मदिरा मिसिएकाे ‘ककटेल’ अाइसक्रिम खाने हाे ?


एजेन्सी । हुनतः मादक पदार्थयुक्त आइसक्रिम लामो समयदेखि बजारमा पाइन्छ । तर, त्यो खाँदा मान्छे मातिने भने हुँदैन थियो किनभने त्यसमा मादक पदार्थको मात्रा निकै कम हुने गथ्र्यो ।

तर, बज पप ककटेलले भने तपाईंलाई मात पनि दिनेछ ।

बज पप कक्टेल ताजा फलफूल र उच्च तहको मादक पदार्थ मिलाएर बनाइएको हुन्छ । जसले यसलाई अन्य मादक पदार्थयुक्त आइसक्रिमभन्दा भिन्न बनाउँछ ।

अन्य मादक पदार्थयुक्त आइसक्रिममा वियरको हाराहारीमा ४.५ प्रतिशत एबिभी हुन्छ भने बज पप कक्टेलमा यो मात्रा १५ प्रतिशत एबिभी हुन्छ । यसले तपाईं सजिलै मताउन सक्छ । आठ वटाको प्याकमा आउने यो आइसक्रिमले तपाईंलाई मात दिए पनि यो निकै महंगो पनि पर्छ ।

आठ वटाको प्याकलाई करिब १० हजार नेपाली रुपैयाँ पर्न आउँछ ।

यदी तपाईं यसलाई घरसम्म मगाउने गरी अर्डर गर्नुहुन्छ भने यसका लागि थप ३५ सय रुपैयाँ तिनुपर्ने हुन्छ ।

यो आइसक्रिम बनाउने कम्पनी अमेरिकाको लास भेगासमा रहेको छ । यसलाई अनलाइन पनि अर्डर गर्न सकिन्छ ।

यसका आठ फ्लेभर रहेका छन् जसमा पिंक प्याराडाइस, साउदर्न बेले, ब्लुबेरी मानिया, म्याङ्गो प्यासन फ्रुट, क्यारेबियन ब्रिज, मस्को म्युल, वाटरमेलन प्याच, लेमन ड्रप मार्टिनी रहेका छन् । यद्यपि, कम्पनीले भने वर्षभर ७५ वटा फरक फ्लेभर तयार गर्ने गरेको बताएको छ ।

प्रतिक्रिया दिनुहोस्